قدّنا؟
كل واحد بيكتب سؤال عن العيلة أو الشلّة أو الشغل هو بيعرف جوابه: مرّروا الجهاز، أو ابعثوا رابط على واتساب وكل واحد بيكتب من جواله. سرّك ما بيطلع لفريقك.
لعبة سهرة للعيلة والشلّة · 14+
إنتو قدّها؟
فريقين وجهاز واحد. أسئلة صعبة، غشّات بتكلّف نقاط، أسرار بتكتبوها إنتو عن قعدتكم، وظرف أخير بيقلب السهرة.
شوفوا كيف بتنلعب
السهرة، من أولها لآخرها
- اختاروا الفئاتلحد 6 فئات من المجموعات اللي بتحبوها، وزيدوا عليها «قدّنا؟» إذا بدكم.
- كل فريق بياخد 3 مساعداتمن 6: مساعدة، تخريب، أو مغامرة. كل وحدة بتنلعب مرة.
- العبوا على اللوحكل سؤال بـ3 نقاط. «غشّشني» بتنزّله نقطة، والفريق التاني بيقدر «يخطفها».
- الظرف الأخير«ملك أو كتابة» بتقرّر مين بيختار، وبعدين ظرف من فئاتكم وغشّات بـ×2 و×1.5 و×1.
- تعادل؟ سؤال الحسمسؤال جوابه رقم: كل فريق بيكتب رقمه على ورقة، والأقرب بيفوز.
- ألقاب السهرةمين «الخطّافين»، مين «ملوك الغش»، ومين كان «على النار».
شو اللي بيميّزها
على النار
3 أجوبة صح ورا بعض، وكل جواب بعدها إله نقطة زيادة لحد ما تغلطوا.
بزايد عليك
«إحنا بنعدّ 6!» «لا، إحنا 8!». اللي بيرسى عليه المزاد لازم يعدّ قبل ما يخلص الوقت، والفريق التاني بيحكم من جواله.
الظرف الأخير
الفريق المتأخر بيختار من 3 ظروف، وكل غشّة بتنزّل المضاعف.
من فلسطين
مدن وقرى، أكل ستّي، تطريز وأهازيج، وكلمات الختيارية. فئات ما رح تلاقوها بأي لعبة تانية.
جوال المضيف
واحد بيدير السهرة من جواله: بيشوف الجواب والغشّات قبل الكل، وبيكشف ويعطي النقاط، والشاشة الكبيرة بتضل للأسئلة بس. مثالية للتلفزيون.
الفئات
المساعدات
قبل اللعب كل فريق بيختار 3 من 6، وكل وحدة بتنلعب مرة بالسهرة. الفريقين بيقدروا ياخدوا نفس المساعدة، بس ممنوع فريق ياخد تخريبين.
كيف بتنحسب النقاط
- كل سؤال بـ3 نقاط. كل «غشّشني» بتنزّله نقطة.
- ما عرفتوا؟ الفريق التاني بيقدر «يخطفها» بنقطة.
- 3 أجوبة صح ورا بعض؟ صرتوا «على النار»: كل جواب صح بعدها إله نقطة زيادة.
- بالتحديات (مثّلها، دندنها، بلا ما تقول، ارسمها) واحد بيمسح كود بجواله وبيشوف السر لحاله.
- بالظرف الأخير كل فريق بيراهن على نقاطه: صح بتنضرب بالمضاعف، غلط بتروح.
مين بيستعمل المساعدة ومتى؟
- بس الفريق اللي عليه الدور، من أزرار المساعدات تحت اسمه.
- «قدّها وقدود» و«سكّر عليهم» من اللوح قبل ما تختاروا الفئة. الباقي وإنتو بالسؤال قبل كشف الجواب.
- المساعدة اللي انلعبت بيطلع عليها ×، وما بترجع لآخر السهرة.
جاهزين؟
جهاز واحد، فريقين، وسهرة ما بتنتسى.